Яке аз самтҳои афзалиятноки рушди Донишкадаи энергеткии Тоҷикистон ҳамкориҳо бо муассисаҳои таҳсилоти олии кишварҳои хориҷ ва ҳамчунин, татбиқи лоиҳаҳои дохиливу байналмилалӣ дар ин самт арзёбӣ мегардад. ДЭТ  яке аз нахустин донишкадаҳои энергетикӣ дар миқёси Осиёи Марказӣ маҳсуб ёфта, роҳбарияти он  ҷиҳати ворид шудан ба фазои ҷаҳонии таълимӣ ва илмӣ ҳамеша саъю талош менамояд, то ин ки дар оянда Донишкада ба яке аз муассисаҳои олии рақобатпазир дар сатҳи байналмилалӣ табдил ёбад.
           Донишкадаи энергетикии Тоҷикистон бо донишкадаҳои олии ҷумҳурӣ ва муассисаҳои илмии кишварҳои Федератсияи Россия, Юнон, Руминия, Украина, Эрон, Қазоқистон, Узбекистон, Белоруссия, Туркманистон, Қиргизистон ва умуман, бо зиёда аз 50 шартномаҳои хамкорӣ дорад. Дар  асоси шартномаҳо ва созишномаҳои ҳамкориҳои баимзорасида лоиҳаҳои муштараки фарҳангию маърифатӣ ташкил карда мешаванд, ки дар доираи онҳо табодули ҳайатҳои донишҷӯён ба муддатҳои аз 6 моҳ то 1 сол, ҷалби донишҷӯён ба таҷрибаомӯзӣ, фиристодани кормандони Донишкада ба коромӯзӣ бо мақсади аз худ намудани таҷрибаҳои пешрафта, гузарониданӣ тадқиқоти муштараки илмӣ роҳандозӣ карда мешаванд. Ҳамчунин, омӯзгорони муассисаҳои олии таълимии хориҷ аз кишвар барои донишҷӯёни Донишкада машғулиятҳои таълимиро бо тариқи ҳузурӣ ва маҷозӣ мегузаронанд. Дар ин росто, ҳамчунин, дар Донишкада гурӯҳҳои русӣ аз рӯи ихтисосҳои техникӣ таъсис дода шудааст.
     Мавриди зикр аст, ки Консепсияи фаъолияти байналмилалии Донишкадаи энергетикии Тоҷикистон ба принсипҳои эътирофи фаъолияти байналмиллалӣ ҳамчун ҷузъи муҳими рушди бомуваффақияти ҳамаи самтҳои фаъолияти Донишкада, муносибати маҷмӯӣ ба масъалаҳои ҳамкориҳои байналмилалӣ ва татбиқи лоиҳаҳо бо ҷалби иштироки тамоми шӯъбаҳои Донишкада асос ёфтааст.