Амри Президенти Ҷумҳурии Тоҷикистон

1.Бо мақсади омӯзиши амиқи таърихи пурифтихори халқи тоҷик, баланд бардоштани ҳисси худогоҳӣ ва худшиносии миллӣ, то ҷашни Истиқлолияти давлатии Ҷумҳурии Тоҷикистон китоби “Тоҷикон”-и Бобоҷон Ғафуров марҳила ба марҳила нашр гардида, аз номи Президенти  Ҷумҳурии Тоҷикистон мувофиқи маълумоти оморӣ ба ҳар як оила тӯҳфа карда шавад.
   2.Дастгоҳи иҷроияи Президенти
Ҷумҳурии Тоҷикистон якҷо ба Вазорати молияи Ҷумҳурии Тоҷикистон, Агентии омори назди Президенти Ҷумҳурии Тоҷикистон, Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилояти  Суғд, Хатлон, шаҳри Душанбе ва  шаҳру ноҳияҳо бо тартиби муқарраргардида ҷиҳати иҷрои амри мазкур чораҷӯӣ намояд.