Курсҳои кӯтоҳмуддати ройгон.

Дар Донишкадаи энергетикии Тоҷикистон курсҳои кӯтоҳмуддати ройгон, оид ба омӯзиши кори тахтаҳои электронӣ ва истифодабарӣ аз он кушода шуд.

Намоиши дастовардҳо


Дар намоишгоҳи Корхонаи воҳиди давлатии Ҷумҳуриявии “Тоҷикагролизинг”-и Вазоарти кишоварзии Ҷумҳурии Тоҷикистон намоиши дастовардҳо, ихтироот ва макетҳои амалкунанда доир гардид.
                Дар ин намоишгоҳ-озмун устодони Донишкадаи энергетикии Тоҷикистон Рафиев Саидбек, Марзбоншоҳи Саидаҳмад ва Самадов Рамазон дастовардҳо ва макетҳои амалкунандаи сохтаи хешро ба намоиш гузоштанд.
Дар ҷамъбаст аз рӯи натиҷаҳо дар маҷмӯъ Донишкадаи энергетикии Тоҷикистон сазовори ҷои аввал дониста шуда, аз рӯи макетҳои пешниҳодшуда Рафиев Саидбек ва Самадов Рамазон бо Ифтихорномаҳо ва Марзбоншоҳи Саидаҳмад бо Сипоснома сарфароз гардонида шуданд

Конференсияи илмӣ таҳти унвони “Занон ва рушди илми муосир”


6-уми феврали соли ҷорӣ дар толори Донишкадаи энергетикии Тоҷикистон Конференсияи илмӣ таҳти унвони “Занон ва рушди илми муосир” бахшида ба рӯзи умумиҷаҳонии занон дар соҳаи илм бо ташаббуси Раёсати кор бо занон ва оилаи мақомоти иҷроияи ҳокимияти давлатии вилояти Хатлон баргузор гардид.
                Дар Конференсияи мазкур муовини Раиси вилояти Хатлон н.и.и. Шарифӣ Фирӯза Бурихонзода, Сардори Раёсати кор бо занон ва оилаи мақомоти иҷроияи ҳокимияти давлатии вилояти Хатлон Раҳимзода Раъно, Раиси ноҳияи Кӯшониён Вализода Икромиддин Сироҷиддин, мушовири Ректори Донишкадаи энергетикии Тоҷикистон Ализода Аҳмадҷон ва инчунин занон-олимаҳо аз ҳамаи ноҳияҳои вилоят иштирок ва суханронӣ намуданд.
                Сипас иштирокдорони Конференсия ба панҷ гурӯҳ тақсим шуда, корро дар панҷ бахш идома доданд.
                Пас аз анҷоми кор дар бахшҳо дар толори асосӣ аз кори Крнференсия  натиҷагирӣ карда шуда, маърӯзаҳои беҳтарин ва иштирокчиёни беҳтарин бо Сипоснома ва тӯҳфаҳо қадр карда шуданд.
                Дар фарҷом Шарифӣ Фирӯза Бурихонзода изҳор дошт, ки ин анъанаро идома дода, дар дигар ноҳияҳои вилоят низ чунин чорабиниҳо баргузор карда хоҳанд шуд.

Нишасти матбуотӣ


Дар толори Шӯрои олимони Донишкадаи энергетикии Тоҷикистон Ректори Донишкада Назарзода Хайрулло Холназар бо иштироки гурӯҳи калони рӯзноманигорони нашрияҳои вилоятиву ҷумҳуриявӣ ва мухбирони шабакаҳои телевизионии вилоятӣ ва ҷумҳуриявӣ нишасти матбуотӣ баргузор гардид.
                Нахуст Ректори Донишкада ба аҳли нишаст оид ба дастовардҳо ва муваффақиятҳо гузориш дода, дар хусуси вазифаҳо ва нақшаҳои дар пешистода, ки аз Паёми Президент, дастуру супоришҳои Вазорати маориф ва илми Ҷумҳурии Тоҷикистон, Вазорати энергетика ва захираҳои оби Ҷумҳурии Тоҷикистон бармеоянд, муфассал истода гузаштанд ва ба соволу супоришҳои рӯзноманигорон посухҳои қонеъкунанда доданд.
                Назарзода Х.Х. таъкид намуданд, ки Раёсати Донишкада ҳамеша барои ҳамкорӣ бо рӯзноманигорон омода буда, дари Донишкада ҳамеша боз аст.

Вохурӣ бо Раиси ноҳияи Кӯшониён


Рӯзи 5-уми феврали соли 2020 дар толори марказии Донишкадаи энергетикии Тоҷикистон вохурии Раиси ноҳияи Кӯшониён Вализода Икромиддин Сироҷиддин бо устодону донишҷӯёни Донишкада ва аҳли ҷамоатчигии шаҳраки Бохтариёни ноҳия баргузор гардида, дар он Паёми Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон баррасӣ гардида вазифаҳо барои соли 2020 муайян карда шуданд. Дар рафти вохӯрӣ роҳбарони ташкилоту идора ва муассисаҳои ноҳия ба нуқтаҳои асосии Паём таваҷҷӯҳи хоса зоҳир намуданд.
                Инчунин дар ин ҷамъомад намояндаи вазорати энергетика ва захираҳои оби ҷумҳурии Тоҷикистон Тағйзода Ширинмо иштирок ва суханронӣ намуд.
                Ҳамзамон баҳри муташаккилона, шаффоф ва дар сатҳи баланд гузаронидани интихоботи дар пешистода вазифаҳо муайян карда шуданд.