Имтиҳонҳои нимсолаи аввали соли хониши 2018-2019 тариқи Маркази тестии Донишкада дар арафаи анҷомёбӣ қарор доранд.

Дар Маркази тестии Донишкадаи энергетикии Тоҷикистон раванди имтиҳонҳои нимсолаи аввали соли хониши 2018-2019   дар арафаи анҷомёбӣ қарор дорад. Синфхонаҳои Маркази тестӣ бо таҷҳизоти зарурии компютерӣ ва воситаҳои техникии назорату мушоҳидавӣ таъмин карда шудаанд.

Ободу покизасозии ҳудуди Донишкада

       Дар Донишкадаи энергетики Тоҷикистон мунтазам ҳашару шанбегиҳо ба хотири покизасозӣ ва ободу зебогардонии ҳудуди таълимгоҳ баргузор карда мешаванд.

Боргоҳи илм-китобхонаи Донишкада бо таҷҳизоти замонавӣ таъмин гардид.

Соли сипаришудаи 2018 китобхонаи Донишкадаи энергетики Тоҷикистон бо таҷҳизоти замонавӣ таъмин карда шуд.  Ин боргоҳи илму маърифат дорои зиёда 20 ҳазор адад китобҳои илмиву адабӣ ба забонҳои тоҷикӣ, ўзбекӣ, русӣ ва англисӣ буда, донишҷӯёну омӯзгорон дар 3 толорҳои китобхонии он, аз ҷумла дар толори китобхонаи электронӣ, ба омӯзиши илм машғуланд.

Нуктаҳои Паёми Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар амал!

Рӯзи 07 январи соли 2019 дар толори калони Донишкадаи энергетикии Тоҷикистон вохӯрии аҳли ҷамоатчигии ҷамоати деҳоти “Бохтариён” бо вакили Маҷлиси намояндагони Маҷлиси Олии Ҷуҳуриии Тоҷикистон Ҷобирзода Тоҳир Гул баргузор гардид, ки дар он  нуктаҳои Паёми Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат мавриди баррасӣ қарор дода шуданд. Иштирокдорони ҳамоиш гузориши муфассали вакили халқ дар Маҷлиси намояндагони Маҷлиси  Олии Ҷумҳурии Тоҷикистон Ҷобирзода Тоҳир Гулро дар бораи муҳтавои Паём ва дастуру супоришҳои Пешвои муаззами миллат барои саҳм гузоштан дар рушду нумӯи кишвар шуниданд. Намояндагони қишрҳои гуногуни ҷамоати номбурда баромад карда,  якдилона аз дастгирии сиёсати хирадмандонаи Сарвари давлат андешаронӣ намуданд, ки ҳамагон барои ояндаи неку ободу боамни диёру Ватани азизамон ҷаҳду талош меварзанд. Дар ин вохӯрӣ ҷонишини прокурори ноҳияи Кӯшониён П.Пирзода, муовини раиси ноҳия Д.Шукруллозода ва ноиби ректори Донишкадаи энергетикии Тоҷикистон Ф.Зувайдуллозода иштирок ва суханронӣ намуданд.

Оғози имтиҳонҳои тирамоҳии донишҷӯён тавассути Маркази бақайдгирӣ ва машваратии Донишкадаи энергетикии Тоҷикистон

Дар Донишкадаи энергетикии Тоҷикистон имтиҳонҳои тирамоҳии донишҷӯён тавассути Маркази бақайдгирӣ ва машваратӣ, ки дар синфхонаҳои он камераҳои мушоҳидавӣ фаъол мебошанд, оғоз гардиданд. Вобаста ба ин, кормандони масъули Донишкада, аз ҷумла декани факултети “Электроэнергетикӣ” Эмомов Б.Ф. ҷиҳати ба донишҷӯён фаҳмонидани қоидаҳои муқарраргардидаи имтиҳонсупорӣ тавассути Маркази бақайдгирӣ ва машваратии  Донишкада кор бурда истодаанд.

Continue reading