Пешгирӣ намудани коронавирус COVID-19

Рӯзи 22-юми апрели соли ҷорӣ намояндагони Кумитаи иҷроияи Ҳизби Халқӣ Демократии Тоҷикистон дар ноҳияи Кӯшониён дар факултету кафедраҳои Донишкадаи энергетикии Тоҷикистон оид ба пешгирӣ намудани коронавирус COVID-19 сӯҳбату вохӯриҳо баргузор намуда, ба донишҷӯён маводҳои тарғиботӣ тақсим намуданд.

Вохӯрӣ

21-уми апрели соли равон дар толори асосии Донишкада бо намояндагони Кумитаи ҳолатҳои фавқулода ва мудофиаи шаҳрвандӣ, Раёсати тандурустии вилояти Хатлон ва Раёсати беҳдошт дар вилояти Хатлон вохӯрии кормандону донишҷӯёни донишкада баргузор гардид.

         Зимни ин вохӯрӣ мутахассисон оид ба пешгирӣ ва гузаронидани чораҳои пешгирикунанда аз вируси  COVID-19 (коронавирус) тавсияҳо доданд.

Ҳашари донишкадавӣ

Ҷиҳати таъмини дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки ахиран дар вохуриҳояшон бо кормандони соҳаи маориф ва аҳли зиё баён гардида буданд, устодону донишҷӯёни Донишкадаи энергетикии Тоҷикистон аз рӯзи 17-уми апрели соли ҷорӣ фориғ аз дарсҳо ба ҳашар баромада, баҳри аз ҳар ваҷаб замини ҳудуди Донишкада самаранок истифода намудан, ба шинонидани зироатҳои донагиву полезӣ машғул мебошанд.

Маҷлиси машваратӣ

Рӯзи 7-уми апрели соли равон ректори Донишкадаи энерегтикии Тоҷикистон н.и.т., дотсент, Назарзода Х.Х.  дар толори марказии Донишкада бо аҳли кормандон маҷлиси машварати баргузор намуданд. Дар машварат вазифаҳои навбатие, ки аз баромади Вазири Маориф ва илми Ҷумҳурии Тоҷикистон муҳтарам Имомзода М. бармеоянд, муайян карда шуда, масъулон вазифадор карда шуданд, ки баҳри бартараф ва ислоҳ намудани камбудиҳои ҷойдошта нақшаи чорабиниҳоро омода созанд.

Пешгирӣ намудани сирояти эҳтимолии коронавирус COVID-19

6-уми апрели соли равон дар Донишкадаи энергетикии Тоҷикистон, бо мақсади пешгирӣ намудани сирояти эҳтимолии коронавирус COVID-19, ситоди дохилидонишкадавӣ таъсис дода шудааст; тамоми даромадгоҳҳо, биноҳои хобгоҳ, биноҳои таълимиву маъмурӣ бо маводҳои антисептикӣ, зиддивирусӣ, хлор ва маводҳои тамизкунандаи пойафзол муҷаҳҳаз гардонида шуда, корманди тибии донишкада аз ниқоб истифода намудани кормандонро назорат мекунад.